顯示具有 閒人食堂 標籤的文章。 顯示所有文章
顯示具有 閒人食堂 標籤的文章。 顯示所有文章

2013年4月29日 星期一

閒人食堂 - 葵涌廣場名星小店

基本上香港好少「賣散」(非單一大業主擁有)嘅商場可以好成功,但位於新界邊陲嘅葵涌廣場可以算係少數成功例子。地下至頂樓都可以人山人海,店舖更唔會同一般大型商場只會有連鎖店、藥房、金舖等等。相反由於早年拆售再劏細分租,葵涌廣場形成咗三大主要行業:時裝 (整個新界西嘅集中點)、小食(三樓簡直係同人地旺角街頭一樣人山人海)及電訊手機維修。*其實仲有第四大行業,就係暑假短期二手書店。

今次經過時,記得友人提及一樓有一間芝士麵幾好食就去搵嚟食下先...


地址 : 葵芳葵富路7號葵涌廣場1樓B01B號舖
菜式 : 港式外賣店
消費 : $23 (2人下午茶)
紀錄 : Nikon D800, AF Nikkor 35mm f./2.0D


標準小店樣子
$18一個芝士撈烏冬,隻碗仲要有晒公仔同小食名!
望住碗麵,突然有返中學雞時代嘅感覺
食完個麵忍唔住再叫多杯回憶中嘅牛油粟米
後記:葵涌廣場真係筆者我個人嘅集體回憶,小學同家人weekend去行街食飯、中學放學同啲同學搭住架三門熱狗巴士出去行...到今時今日個場仲人山人海,真係景物依舊,人事已非。

2013年4月28日 星期日

鬆弛熊的私人麵包工房 - 一闊三大 x 初試「快速麵包」

話說鬆弛熊居然毫無政治敏感,去了誠哥間「提屎」入貨開始整麵包...

仲一副得意樣去同自己啲「戰利品」合照

鬆弛熊的私人麵包工房物資...
Waitrose Organic Strong White Bread Flour - $38.90
Waitrose Organic Strong Wholemeal Bread Flour - $37.90
Essential Waitrose Plain White Flour - $16.90
Fair Trade Unrefined Raw Cane Sugar from Traidcraft - $19.50
Hovis Fast Action Bread Yeast - $22.90
...

真係一闊三大,平時11蚊左右一個「山崎」空氣麵包
家下投資完一部麵包機再要買咁多料去加用心機去研究...
點解? 因為身體先係自己最重要嘅資產!

跟手又心思思想試下「快速」麵包 (2小時快速製包)
又動手啦!

「快速麵包」食譜如下
(因係宵夜,所以自行減半做0.5lb麵包成品)
...

鬆弛熊的私人麵包工房 - Panasonic SD-P104






星期六晚上,突然門口有聲怪聲……又是隔離那些「港漂」(內地留港工作人士)夜晚搬家具?定係隔離個港女又趕咗佢男友出門口? 我呢個八卦嘅人當然去睇睇啦。


2012年9月10日 星期一

閒人食堂 - 叮噹 x 博洛尼亞 (II)


地址 : 尖沙咀廣東道17號海港城海運大廈3樓1號舖
菜式 : 麵包/西餅
消費 : $381 (2人午餐/下午茶) (個人評價﹕好貴,真係好Q貴,唔好叮噹朋友可以唔洗試)
紀錄 : Nikon D70, AF Nikkor 35mm f./2.0D, Sigma 10-20mm f./4-5.6 EX DC & SB-800 Speedlight

喜歡叮噹已經20多年,多年來就係未試過去一間叮噹主題餐廳,今年2012年(末日年)總算遇上了這個叮噹誕生前100年嘅活動。除了大量叮噹俑(詳見叮噹潮一文)驚現海旁外,這間博洛尼亞 x 叮噹(8月14日至9月16日限定)可說是大量叮噹迷的朝聖地。

為了清掉公司的年假,今天取了一整天的假期,就是為了去這個叮噹 x 博洛尼亞呢。
(筆者今年還有7天半的年假未放呢~~)


可見餐廳內佈滿了不少叮噹誕生前100年嘅裝飾

最喜歡這個眼神!


餐紙都是叮噹的! (最後我也收起了這張餐紙不捨得使用收起取走,而且每人限用一張)

睇左環境咁耐,係時候點餐先。一睇第一個反應﹕好貴,真係好貴。一個set耍$128,仲要只係意粉加多士,但抱住「人一世物一世 最重要開心得徹底」嘅心,我叫左一個叮噹set ($128,加一另計)。真係好感激呢個event 2012先有,好讓我已經投身社會可以先食其力,而不是孩童時代要雙親帶我到這間叮噹餐廳去... ...

價值$128的叮噹set,左起就係傳說中的記憶麵包、叮噹芝士(下有奇異果)及意粉

叮噹同大雄都比個價錢嚇到彈起

堂堂記憶麵包用來記乘數? 緊係要嚟記其他野啦

叮噹人物圖案coffee,但不能自選人物只能隨機,我剛好中了叮噹樣:)

不忍心地放了飲管,變了說了謊話的小木偶 (長鼻子)~

最後附上甜品 - 叮噹曲奇tiramisu

後記﹕難得地到了海港城,當然要去一去叮噹俑~






閒人食堂 - 蒜香牛油芝士焗帶子 [附食譜]


材料: 大碼連殼急凍帶子 ($38 each @ citysuper)、蒜頭、牛油、蒜鹽及芝士粉
時間: 10分鐘(預備時間);10分鐘(煮食時間)
紀錄: Nikon D70, AF Nikkor 35mm f./2.0D & SB-800 Speedlight

首先用水洗洗啲帶子 (真係好冰)

又係時候出動好好用嘅鬆弛熊嚟磨蒜頭

同時煲定水預備「飛水」

多工功能又要啟動,預熱焗爐至攝氏220度

焗爐用「上」火焗

水滾,係時候飛飛水啦 (落水時間少於10秒)

上水,可以睇到啲帶子已經縮左水

即磨蒜鹽出動

加左牛油同蒜鹽 (已經好想食啦...)

跟住仲要用埋食物嘅靈魂 - 芝士粉

加埋芝士粉就一家團聚,可以預備入焗爐

入焗爐 (已預熱至攝氏220度)

焗10分鐘即可,set時間制先





10分鐘好快,係時候預備出爐啦 (我的IKEA隔熱手套)

出爐! 佢地已經「融」為一體同好香

嚟個近鏡先

上碟完成,多謝大家收看 :)

2012年9月5日 星期三

閒人食堂 - 叮噹 x 博洛尼亞

地址 : 尖沙咀廣東道17號海港城海運大廈3樓1號舖
菜式 : 麵包/西餅
消費 : $50 (豆沙包﹕$22;曲奇﹕$28)

叮噹最愛 - 豆沙包

可惜買唔到大大個叮噹樣嗰一款



好味!
同場加影叮噹 & 叮鈴曲奇

2012年9月3日 星期一

閒人食堂 - 深水埗泰潮


地址 : 深水埗福榮街101號地下
菜式 : 泰國菜館
消費 : 午餐 2人$206 (已加一;平均每人$103)

深水埗福榮街可謂食街一條,傳說中嘅「維記」、「譚仔」等名店都可以響度搵到,而今日就去左一間由多個明星推薦及入選2011年米芝蓮嘅泰國菜餐廳 - 泰潮。

星期日下午2時,理論上應該極難搵位嘅時間,幸運地有位,仲要唔洗搭檯!
由於我對泰國野一吹無咩idea,就叫一個2人餐啦。

泰式海南雞 (例牌)




蒜蓉炒通菜


油飯


泰式豬頸肉

泰式炸蝦餅

總括而言,$206其實真係唔太值... 米唔米芝蓮更加不在話下... 深水埗仲有好多好食嘅選擇。

2012年8月30日 星期四

閒人食堂 - 福臨雞鍋小館

地址 : 青衣長康村二期商場地下108-110號舖
菜式 : 雞煲火鍋
消費 : 晚餐 3人$300 (平均每人$100)

長康巴士總站旁一間小店,Facebook都無咩人check-in嘅一間地區小店。當中卻是朋友聚會的好地方,原因是青衣區內少有方便聊天的食店。(原因是人少、不用等位、人情味)



店舖裝修完全係地區街坊生意型式,當中帶點土味。但香港真係需要滿街一式一樣的「新派港式茶餐廳」 - 鮮色裝修 x LED招牌 x 奶豬? 相反我更喜歡這種小店,帶點「深夜食堂」感覺。




三個男人 x 一支青島 = 男人嘅浪漫



主角登場 - 細福臨雞煲 ($120)

$120嘅雞煲包括啲咩? 就係一個雞煲、一碟菜同一碟烏冬




Non-自助火鍋是大好處,就係唔會亂叫野食,三個人三碟料,已經好足夠。



大戰過後,未試過食火鍋可以清晒成個煲



埋單前先發覺有隻貓響隔離 :)